Maxfiylik siyosati

muQobil dasturi va muqobilcrm.uz sayti · Tahrir: 21.09.2026

Bu sahifa muQobil qanday shaxsiy ma’lumotlarni yig‘ishi, nima uchun ishlatishi va qanday himoya qilishini tushuntiradi. Ma’lumotlarga __________ (keyingi o‘rinlarda — «biz») «Shaxsga doir ma’lumotlar to‘g‘risida»gi O‘zbekiston Respublikasi Qonuniga muvofiq ishlov beradi.

1. Qanday ma’lumotlar yig‘iladi

• Saytda ariza qoldirganlar: ism, telefon raqami, do‘kon nomi, shahar, izoh va qaysi reklama havolasidan kelgani.
• Dastur foydalanuvchilari (do‘kon egalari va xodimlari): ism, telefon raqami, parol (faqat qaytarib bo‘lmaydigan xesh ko‘rinishida), oxirgi kirish vaqti, Telegram ID (botga ulangan bo‘lsa).
• Do‘kon mijozlari — ularni do‘kon o‘zi kiritadi: familiya, ism, sharif; telefon raqamlari; manzil; pasport seriyasi va raqami (faqat matn, rasm saqlanmaydi); kafil; izoh; nasiya shartnomalari va to‘lovlar tarixi; Telegram ID (mijoz botga o‘zi ulangan bo‘lsa).
• Texnik ma’lumot: IP manzil va so‘rov vaqti — parol taxmin qilish va spamdan himoya uchun.

2. Nima uchun ishlatiladi

• dastur xizmatini ko‘rsatish: nasiya hisobi, to‘lov grafigi, hisobotlar;
• mijozlarga to‘lov eslatmasi va kvitansiya, do‘kon egasiga kunlik hisobot yuborish;
• arizaga javob berish va texnik yordam;
• xavfsizlik: ruxsatsiz kirishning oldini olish.

Ma’lumotlar reklama uchun ishlatilmaydi, sotilmaydi va boshqa maqsadda uchinchi shaxslarga berilmaydi.

3. Do‘kon mijozlari ma’lumoti kimniki

Mijozlar ma’lumotining mulkdori — nasiya bergan do‘kon. muQobil bu ma’lumotlarga faqat do‘kon topshirig‘i bilan va do‘kon bilan mijoz o‘rtasidagi nasiya shartnomasini bajarish uchun ishlov beradi. Har bir do‘kon faqat o‘z mijozlarini ko‘radi. Platforma ma’muriyati ham do‘konlarning mijozlari ro‘yxatini ko‘rmaydi — faqat umumiy sonlarni ko‘radi.

4. Kimga beriladi

• Telegram — mijoz yoki xodim botga o‘zi ulangan bo‘lsa, xabar matni Telegram orqali yetkaziladi;
• SMS provayderi yoki mobil aloqa operatori — telefon raqami va xabar matni, faqat SMS eslatma yoqilgan bo‘lsa;
• server (hosting) provayderi — ma’lumotlar saqlanadigan joy;
• davlat organlari — faqat qonun hujjatlarida belgilangan hollarda.

5. Qayerda va qancha saqlanadi

Ma’lumotlar O‘zbekiston Respublikasi hududidagi serverlarda saqlanadi.

• arizalar — ko‘rib chiqilganidan keyin 1 yil yoki rozilik qaytarib olinguncha;
• foydalanuvchilar va do‘kon mijozlari ma’lumotlari — do‘kon bilan shartnoma amal qilgan davrda va tugaganidan keyin 90 kun;
• zaxira nusxalar — 14 kun, shundan keyin avtomatik o‘chiriladi.

6. Qanday himoya qilinadi

• sayt va dastur bilan aloqa shifrlangan (HTTPS);
• parollar faqat xesh ko‘rinishida saqlanadi — ularni hech kim, jumladan biz ham ko‘ra olmaydi;
• parol taxmin qilishga urinishlar cheklangan;
• rollar bo‘yicha kirish: sotuvchi hisobotlarni ko‘rmaydi, to‘lovni bekor qilish va chegirma faqat do‘kon egasiga ochiq;
• har kuni shifrlangan zaxira nusxa olinadi;
• ma’lumot ruxsatsiz oshkor bo‘lsa, do‘konni 24 soat ichida xabardor qilamiz va qonunda belgilangan choralarni ko‘ramiz.

7. Sizning huquqlaringiz

Siz o‘zingiz haqingizdagi ma’lumotlar bilan tanishish, ularni tuzatish yoki o‘chirishni talab qilish va roziligingizni qaytarib olish huquqiga egasiz.

• Do‘kon mijozi bo‘lsangiz — avvalo nasiya olgan do‘koningizga murojaat qiling: ma’lumotingiz egasi — do‘kon. Telegram botdan istalgan vaqtda /chiqish buyrug‘i bilan uzilishingiz mumkin.
• Ariza qoldirgan yoki dastur foydalanuvchisi bo‘lsangiz — bizga murojaat qiling: +998 99 050 25 59, __________.

8. Cookie va brauzer xotirasi

Sayt reklama yoki kuzatuv cookie fayllarini ishlatmaydi. Dastur brauzeringizda faqat kirish belgisini (tokenni) va ko‘rinish sozlamasini (yorug‘ yoki qorong‘i) saqlaydi.

9. O‘zgartirishlar

Siyosatning yangi tahriri shu sahifada e’lon qilinadi va e’lon qilingan kundan kuchga kiradi.

10. Bog‘lanish

__________ · __________
Telefon: +998 99 050 25 59 · Elektron pochta: __________